Australia mund të bëhet vendi i parë që eliminon kancerin e qafës së mitrës nëpërmjet programeve kombëtare të vaksinimit dhe kontrollit.
Vendi është në rrugë që të ketë më pak se katër raste të kancerit për 100,000 gra çdo vit, gjë që mund të çojë në zhdukjen e saj nga viti 2028, sipas studimeve të reja.
Deri në vitin 2022, kanceri i qafës së mitrës mund të klasifikohet si "i rrallë".
"Është një lajm i mirë për gratë në Australi", thotë profesoresha Karen Kenfel, udhëheqëse e ekipit hulumtues i cili ka punuar në studim.
"Ne jemi duke udhëhequr kontrollin e kancerit të qafës së mitrës për disa vjet dhe do të ndajmë hulumtimet tona dhe rezultatet me pjesën tjetër të botës si pjesë e luftës kundër kësaj sëmundjeje," shtoi ajo.
Në 99.7% të rasteve, kanceri i qafës së mitrës shkaktohet nga infeksioni me papillomavirusin njerëzor (HPV), një grup virusesh të transmetuara seksualisht dhe kontaktit të lëkurës në lëkurë në zonën gjenitale.
Australia është një nga vendet e para që ka një program vaksinimi kundër HPV që nga viti 2007 për vajzat. Sipas studimit, gjithnjë e më shumë njerëz që marrin këtë vaksinë. Programi i shqyrtimit si një parandalues në luftën kundër kancerit të qafës së mitrës, filloi në vitin 1991.
Sipas këtij studimi, Australia ka numrin më të vogël të vdekjeve të kancerit të qafës së mitrës. Numri i grave mbi moshën 25-vjeç që janë diagnostikuar me këtë sëmundje është përgjysmuar që nga viti 2010.
