Raste të tjera me Covid-19 janë regjistruar sot në Xhiron e Italisë. Gjithsesi, këtë herë të prekur nga virusi nuk janë çiklistët apo staf, por 17 agjentë të policisë.
Sipas të përditshmes italiane “La Republicca”, 17 policë që shoqërojnë Xhiron e Italisë përgjatë gjithë itinerarit kanë rezultuar pozitivë. Të gjithë agjentët janë asimptomatikë.
Të gjithë policët që shoqërojnë turneun i ishin nënshtruar tamponit në Abruzzo ditën e hënë.
Ata janë vendosur menjëherë në izolim, në Pescara, por situata me turneun italian të biçikletës nuk duket shumë e mirë.
