Në Tiranë këto ditë po zhvillohet Kuvendi i parë i studimeve për Arbëreshët nga QSPA Grupin “Vëllezërit Arbëreshë”.
Kalabri që drejtoni ju si President i Shoqatës Z.Mimmo Imbrogno ju kemi parë në koncert dhe në Francë dhe Zvicër, plus shteteve tjera ku keni përformuar.
Për gjitha këto me gjerësisht ka folur artisti Imbrogno në intervistën ekskluzive dhënë gazetës zvicerane në shqip Le Canton27.ch
Çfarë mendoni ju për Kuvendin e QSPA në Tirane dhe rëndësinë e tij për arbëreshët?
Mimmo Imbrogno: Qendra e studimeve për Arbëreshët, QSPA, Drejtuar nga Znj. Diana Jup Kastrati me Stafin e saj, është një gjë shumë pozitive. Në këtë konferencë të mbajtur në Tiranë këto ditë, unë pashë programin dhe dëgjova disa ligjërime studimore. Personalitete Arbëreshe dhe Shqiptarë prezantuan kërkime dhe studime mbi historinë, letërsinë dhe etnografinë arbëreshe.
Si mbani gjuhën e kulturën nëpërmjet artit e muzikës?
Mimmo Imbrogno: Me siguri ne si grupe muzikore e ruajmë kulturën arbëreshe mbi të gjitha me muzikë, sepse gjatë shekujve në përgjithësi traditat e gjuhës dhe kulturës janë transmetuar gojarisht nga nëna tek fëmijët. Edhe pse në vitet ’80 kishte orë të gjuhës Arbëreshe në shkollë, ma nuk ishte e mjaftueshme. Sot në disa katunde arbëreshe ka orë javore në shkolla, kushtuar gjuhës arbëreshe, por vetëm si projekte studimi aktualisht. Gjuha, kultura, traditat, reitet familja dhe të komunitetit, u transmetuan në shtëpi duke folur gjithmonë në gjuhën arbëreshe, me anë të këngëve me shumë zëra “a cappella”, me këngë muzikore, valle të kënduara dhe shfaqje teatrale, të cilat tregojnë historinë e kaluar por dhe aktuale të ditëve që atëherë e deri më sot.
Për gjeneratat e reja çfarë do ndihmonte, që transmetimi arbëresh i gjuhës dhe kulturës të vazhdonte?
Mimmo Imbrogno: Meqenëse është krijuar QSPA, si një institucion shtetëror shqiptar, ne shpresojmë të kemi një ndihmë për gjuhën arbëreshe në shkolla dhe gjithashtu të kemi aktivitete intelektuale por dhe artistike arbëreshe e Shqiptarë së bashku dhe shumë më tepër shkëmbime kulturore. Ne kërkojmë mbështetje nga institucionet jo vetëm të Tiranes, por edhe nga ato të Prishtinës sepse në arbershët përkundër distancën nuk jemi diaspore, por pjesë e kombit tonë!
Të inspirohen projekte me tematika për të rinjtë arbëreshë, në lidhje me historinë dhe kulturën tonë shekullore të bukur e të shtrenjtë, që të rindizet edhe më fort dëshira e tyre për të vazhduar ta trashëgojnë. Ju falënderoj për intervistën, dhe dua t’ju falënderojë gazetën e juaj zvicerane ne shqip “Le Canton27.ch” dhe lexuesit tuaj, me një këngë shumë të bukur klasike Arbëreshë, e shkruar, e muzikuar dhe e interpretuar nga vëllezërit Scaravaglione nga Spezzano Albanese Titulli “Një serenatë për ty”.
