Një shqiptar, i cilësuar si “mbreti i drogës” në Detroit të Shteteve të Bashkuara është arrestuar përmes një aplikacioni të mesazheve.
Mediat amerikane i kanë kushtuar një artikull këtij aplikacioni i cili së fundmi është zbuluar se “tradhtoi” të cilësuarin si mbret të drogës në SHBA, Ylli Didani pasi është kapur duke ndërtuar një nëndetëse për të trafikuar kokainë.
Ylli Didani është arrestuar në 31 mars 2021 pasi akuzohet se ka kryer trafik ndërkombëtar kokaine në sasi të mëdha.
Për gjashtë vjet, agjentët federalë nuk pushuan së hetuari Ylli Didanin dhe kokainën e tij të paketuar në kuti bananesh të dërguara me mallra ndërkombëtare. Ata përshkuan pesë kontinente dhe 15 vende për të kontrolluar dosjet gjyqësore, për të bërë intervista dhe për të përdorur pajisje moderne për të zbuluar rrjetin e Didanit.
Informacioni doli 10 muaj pas arrestimit të mbretit të drogës të akuzuar në Detroit. Autoritetet bashkëpunuan në një gjueti mbarëbotërore për prova. Ata gjithashtu kërkuan përforcim nga zyrtarët e huaj për të ndihmuar që të sigurohet që mbreti i dyshuar i drogës në Detroit nuk do t’i shpëtojë ndjekjes penale.
Sipas të dhënave të gjykatës, 44-vjeçari Didani ka përfituar mbi 111.5 milionë dollarë. Ai menaxhoi perandorinë e tij të drogës duke përdorur aplikacionin e mesazheve, Sky ECC. Mesazhet automatikisht shkatërrohen, por agjentët federalë arritën disi të merrnin foto të mesazheve të shkëmbyera mes Didanit dhe bashkëpunëtorëve të tij.
Prokurorët vunë në dukje se rrjeti i drogës prodhonte sasi të pakufizuar parash deri në verën e vitit 2016. Didani dërgoi mesazhe duke konsideruar domosdoshmërinë për të kërkuar një person që mund të ndihmojë në transferimin e fshehtë të parave me vlerë miliona dollarë.
Hetuesit zbuluan se Didani dhe partnerët e tij në krim përdornin telefona celularë të koduar me një softuer nga Sky Global. Është një ofrues kanadez shërbimesh dhe rrjeti komunikimi.
