Një vrasës me pagesë, është shpallur fajtor për vrasjen e vëllait të një ylli të televizionit, Misse Beqiri, në "një rivalitet të vogël" midis dy bandave të mëdha kriminale.
Flamur Beqiri, 36 vjeç, u qëllua për vdekje në pragun e shtëpisë së tij prej 1.7 milionë funte në Battersea, në jug-perëndim të Londrës, në sy të gruas së tij, teksa ajo mbronte djalin e tyre dyvjeçar, në prag të Krishtlindjeve 2019.
Beqiri, vëllai i yllit të The Real Housewives of Cheshire, Misse Beqiri, ishte kryetar i një bande ndërkombëtare të drogës, tha gjykata në Southwark.
Anis Hemissi, 24 vjeç, u shpall fajtor për vrasjen e Beqirit si dhe për posedim të një arme zjarri, pas një gjyqi dy mujor në gjykatën jugore të Londrës.
Hemissi, një kikboksier profesionist, u maskua me maskë lateksi për vrasjen, dhe hapi zjarr 10 herë me pistoletë, duke e goditur Beqirin me tetë plumba nga pas.
Prokurorja e lartë, Louise Attrill, tha se vrasja ishte pjesë e "një rivaliteti kokë më kokë midis dy grupeve shumë të rëndësishme të krimit të organizuar".
“Është një atentat ndërkombëtar që kërkon planifikim të përpiktë dhe ka përfshirë një grup kriminelësh të organizuar, që rekrutuan një ekip, për të kryer këtë vrasje tronditëse dhe brutale,” tha ajo.
Beqiri, i cili kishte kombësi të përbashkët suedeze dhe shqiptare, pretendonte se ishte në biznesin e muzikës, por ishte përfshirë në tregtinë ndërkombëtare të drogës që nga viti 2007 si pjesë e një bande të drejtuar nga Daniel Petrovski, 38 vjeç, tha gjykatësi.
Ai kishte qenë një objektiv që nga vera e vitit 2019, dhe deri në nëntor planifikimi i bandës rivale ishte rritur pasi një bashkëpunëtor, Estevan Pino-Munizaga, udhëtoi për në Londër për rreth 14 orë.
Pino-Munizaga mori me qira një apartament në Oyster Wharf, vizitoi shtëpinë e Beqirit aty pranë dhe bleu një biçikletë të veçantë për femra, me një shportë. Një tjetër bashkëpunëtor bleu një grumbullues mbeturinash në një udhëtim të mëvonshëm në kryeqytet.
Biçikleta u përdor nga Hemissi për të kryer zbulimin tri ditë para vrasjes, dikur e veshur si pastrues rruge, i veshur me maskë lateksi, syze dielli dhe rroba pune, ndërsa mbante grumbulluesin e mbeturinave dhe një çantë koshi, të zezë.
Veshja dhe biçikleta u braktisën kur një banor vendas, Jeremy Lyons, dyshoi pasi pa Hemisin duke punuar në rrugë publike dhe private, duke i thënë vrasësit: "Largohu nga kjo pasuri të lutem".
Hemissi bleu një biçikletë zëvendësuese, të cilën e parkoi në shtegun e Thames dhe e përdori për t'u arratisur pas të shtënave.
Hemissi, i cili fluturoi në Londër më 20 dhjetor, u largua nga vendi për të shkuar në Kopenhagë, Danimarkë, në orët e para të ditës së Krishtlindjes. Ai u arrestua në kthimin e tij pas një pushimi në Tajlandë.
DS Brett Skowron tha: “Kjo vrasje ishte planifikuar me përpikëri nga të dyshuarit, dhe përfshinte një numër burrash të ndryshëm që udhëtonin për në MB në muajt para se z. Beqiri të qëllohej për vdekje”.
Estevan Pino-Munizaga, 35 vjeç, u lirua nga akuza për vrasje, i shpallur fajtor për një akuzë alternative, të vrasjes nga pakujdesia. Tobias Andersson, 32 vjeç dhe Bawer Karaer, 23 vjeç, gjithashtu nga Suedia, u liruan nga të dyja akuzat.
Clifford Rollox, 31, nga Islington, Londra veriore, dhe Claude Isaac Castor, 31 vjeç, një shtetas holandez nga Sint Maarten në Karaibe, u shpallën fajtorë për shtrembërim të rrugës së drejtësisë pasi u punësuan në vend për të pastruar banesën ku vrasësit kishin qëndruar.
Zonja Justice Cheema-Grubb tha se do t'i dënonte ata që do të shpalleshin fajtorë të premten e ardhshme./Bota sot
