Dy shqiptarë në Angli janë dënuar me burg pasi u kapën duke çmontuar një shtëpie bari e cila ishte në ndërtuar ambientet e një berberi. Shqiptarët Ardit Bytyci dhe Anolit Domi u arrestuan më 2 mars të këtij viti pasi policia shkoi të kontrollonte ambientet e berberhanes në Ushaw Moor.
Në gjykatë u tha se Bytyci e kishte marrë me qira pronën për ta kthyer në një berberhane. Por në katin e parë, katër dhomat ishin përdorur për rritjen e kanabisit dhe në secilën prej tyre kishte ndërhyrje në matësin e energjisë elektrike të anashkaluar për të siguruar një furnizim falas me energji elektrike. Peter Sabiston, prokurori, tha se në një nga dhomat u gjet një qese me 179 sytha kanabisi, me pajisje ngrohjeje dhe ndriçimi, ventilatorë, vazo të zbrazëta, dhe thasë lëndësh ushqyese. Disa nga dhomat kishin edhe çarçafë plastikë për të mbuluar dritaret. Prokurori tha se kanabisi i gjetur peshonte gjithsej 173.6 g me një vlerë totale të vlerësuar prej 1,700 £.
Të dy personat e gjetur në vendngjarje u arrestuan por mohuan çdo përfshirje në operacionin e rritjes së kanabisit. Por prokurori tha se telefonat e tyre u sekuestruan nga policia dhe aty u gjetën foto të kanabisit dhe automatëve të energjisë elektrike. Sipas tij Bytyci luajti një "rol të rëndësishëm" në shtëpinë e barit ndërsa Domi merrej me çmontimin e pajisjeve. Gjurmët e gishtërinjve të të dy burrave u gjetën nga materiali i gjetur në ambiente, ndërsa një furgon i parkuar jashtë duket se ishte punësuar për të hequr pajisjet e çmontuara. Bytyci, 27 vjeç, dhe i bashkëakuzuari i tij 24-vjeçar mohuan autorësinë në prodhimin e një droge të klasit B.
Duke vendosur një dënim 21 muaj burg për Bytycin dhe nëntë muaj për Domin, gjykatësi tha se ata do të kalonin gjysmën e parë të dënimit të tyre në paraburgim, "dhe më pas i takon Home Office të vendosë se çfarë të bëjë me ju".
