Një ngjarje e pazakontë ka ndodhur në Francë, ku një efektiv policie është përleshur me tre persona, përfshirë edhe përplasjen me një shqiptar. Ky i fundit e kërcënoi me thikë punonjësin e policisë franceze.
Ngjarja ka ndodhur të martën në qendër të qytetit Metz, ku në të njëjtën rrugë një i ri u godit për vdekje me thikë mbrëmjen e 14 korrikut dhe pak ditë pasi një person i armatosur me thikë kërcënoi kalimtarët pranë stacionit.
Sipas burimeve të policisë, shqiptari i armatosur me thikë 20 centimetra të gjatë kërcënoi dy persona dhe një punonjës policie. Punonjësi i policisë është përleshur me tre personat në tentativë për t’i ndarë nga njëri-tjetri.
Më pas ai është vendosur në ndjekje të shqiptarin për ta neutralizuar atë pasi lëvizte me thikë në dorë.
Efektivi i policisë u hodh mbi shqiptarin duke e neutralizuar atë ndërsa më pas mbërritën edhe kolegët e tij duke bërë arrestimin e të riut.
