Vrasja e shqiptarit mbrëmjen e djeshme në Sasso Pisano në Itali dyshohet se është bërë për larje hesapesh.
Mediat italiane bëjnë me dije Elson Kalaveri, 36-vjeç është qëlluar me breshëri plumbash.
Ai është qëlluar nga një automjet në lëvizje brenda të cilit dyshohet se po udhëtonin tre persona. Ndërsa Kalaveri ndodhej në makinë me një person tjetër i cili pas ngjarjes u largua duke kërkuar ndihmë.
Megjithatë për 36-vjeçarin nuk mund të bëhej më asgjë për ta mbajtur në jetë pasi atentatorët ishin siguruar që ta linin të vdekur.
Dëshmitarët në zonë i thanë policisë se autorët u larguan me shpejtësi me një makinë të errët. Kërkimet për kapjen e tyre vazhduan edhe gjatë orëve të natës në disa fshatra pak të banuar.
