Një 45-vjeçar nga Kosova është vrarë në Itali pas përleshjes me thika me disa persona të tjerë. Ngjarja ka ndodhur gjatë natës në Treviso, ndërsa siç raportojnë mediat italiane 45-vjeçari është goditur disa herë me thikë.
Nga përleshja me armë të ftohta raportohet se ka edhe persona të plagosur, ndërsa disa të tjera janë larguar.
Nuk dihen ende arsyet e këtij konflikti, ndërsa disa dëshmitarë thonë se para konfliktit kishin parë një furgon nga i cili zbritën një grup personash.
Policia shkoi në vendin e ngjarjes dhe po punon për zbardhjen e plotë të rrethanave të ngjarjes.