Një 14-vjeçare shqiptare është zhdukur në Greqi.
Mediat greke bëjnë me dije se më datë 18.11.2022, në orët e pasdites është zhdukur nga zona e Zephyrios, Atikë, 14-vjeçarja shqiptare Miranda S.
Familjarët kanë dhënë alarmin për zhdukjen e saj pasi ka arsye që e vënë në rrezik jetën e saj.
Miranda S. është e gjatë 1.60 m, peshon 50 kg, ka flokë gështenjë dhe sy kafe. Ajo ka një vathë në hundë. Ditën që u zhduk, ajo kishte veshur një triko të thurur gri, një fund me vija deri tek gjuri dhe një bluzë me vija.
Policia dhe qendra “Buzëqeshja e Fëmijës” kanë publikuar dje të dhënat e saj në mënyrë që nëse dikush e identifikon, të njoftojë.
