Një 22-vjeçare është arrestuar në Selanik, Greqi pasi akuzohet për braktisjen e foshnjës.
Mediat greke bëjnë me dije se e reja shqiptare ka lënë foshnjën 4 muajshe vetëm në automjet dhe ka shkuar të bënte pazar, dhe së bashku me të është arrestuar dhe një 27-vjeçare e cila e shoqëronte atë.
Dy vajzat e kishin lënë vetëm foshnjën në makinë dhe ishin larguar për të bërë pazar në një dyqan në zonën e Pylaia, ku dhe u denoncuan nga kalimtar i cili kishte vërejtur ngjarjen.
Sipas dëshmisë së tij, foshnja kishte qenë vetëm për të paktën 40 minuta, ndërsa automjeti ishte i mbyllur dhe me dritare gjysmë të hapura. Ndaj dy vajzave rëndon akuza e ekspozimit të të miturit para rrezikut.
