Dy shqiptarë dhe një romun kanë dalur para trupit gjykues të dielën. Ata u arrestuan fundjavën e kaluar nën akuzat në lidhje me sekuestrimin e 60 kg kokainë me vlerë 4 milionë euro.
Të akuzuarit janë G.D, D.D dhe D.A shkruan Sunday World.
39 vjeçarit G.D I është caktuar masa e paraburgimit deri në paraqitjen e radhës para gjykatës me 14 gusht.
I akuzuari G.D është akuzuar nga detektivi Garda Gavin Curran, në stacionin Togher Garda në qytetin Cork, njëkohësisht ka dhënë dëshmi kundër shtetasit shqiptar. Kurse I akuzuari nuk ka folur në seancën e mbajtur të dielën.
Det Garda Val Russell, është ai i cili dha dëshmi për arrestimin e romunit D.A. Ai është denoncuar një javë më parë në stacionin Gurranabraher Garda në Cork.
Collins Daly mbrojtësi i të akuzuarit D.D ka thënë se klienti i tij kishte mbërritur në Irlandë vetëm katër javë më parë dhe banonte me vëllain e tij G.D. Edhe ky u la në paraburgim me mundësi të paraqitet në gjykatë me 14 gusht, me video-lidhje.
Sekuestrimi i drogës ndodhi pas një operacioni të udhëhequr nga inteligjenca që synonte persona të dyshuar për përfshirje në krimin e organizuar, një operacion i përbashkët u krye nga Byroja Kombëtare e Drogave dhe Krimit të Organizuar Garda dhe personeli pranë Shërbimit Doganor të të Ardhurave.
