Një shqiptar është gjetur i vdekur pasi është qëlluar me një plumb në pjesën e pasme të kok
Mediat greke shkruajnë se ngjarje ka ndodhur mesditën e së shtunës.
Trupi i pajetë i 51-vjeçarit u gjet në oborrin e një shtëpie në Salaminë.
Sipas informacioneve të para, viktima është me origjinë shqiptare.
Ai u gjet nga një mik i tij, i cili lajmëroi menjëherë autoritetet. Grupi hetimor ka nisur punën për zbardhjen e kësaj ngjarjeje kriminale.
Pak ditë më parë u plagos një tjetër shqiptar, i cili kishte shkuar me pushime bashkë me familjen në shtetin grek.
Bëhet fjalë për Andrea Kalemi nga Tepelena, 51-vjeç. Ai ndodhet i shtruar në spital, në gjendje të rëndë për jetën.