Një ngjarje që ka tmerruar banorët e një lagjeje të qetë në Patisia të Athinës, ka ndodhur orët e para të mëngjesit të sotëm.
Pak minuta para orës 3 të mëngjesit, disa persona të panjohur kanë qëlluar me breshëri ndaj godinës ku ndodhet lokali i një shtetasi shqiptar.
Sipas mediave greke, në vendngjarje janë gjetur 7 gëzhoja plumbash, të cilat kanë thyer xhamat e lokalit.
Për shkak se ka qenë orë e vonë, lokali ka qenë i mbyllur dhe asnjë person nuk ka mbetur i lënduat.
Banorët e zonës që janë zgjuar nga të shtënat e pandërprera kanë njoftuar Aksionin e Menjëhershëm.
Oficerët e policisë që mbërritën në vendngjarje dhe veç gëzhojave janë gjetur dhe një predhë.
Hetimet për identifikimin dhe kapjen e autorëve janë ndërmarrë nga efektivë të policisë së sigurisë së Drejtorisë vendore.