Ish-Kryeministri Sali Berisha denoncon një tjetër rast që nëse do të rezultojë i vërtetë do jetë një nga skandalet më të madha në Shqipëri, zhdukjen e sasisë prej 613 kg kokainë që u kap një vit më parë në Durrës.
Berisha shkruan sot se sasia e madhe e kokainës së sekuestruar është shitur në Itali.
Kjo drogë u kap një vit më parë në konteinerin me banane të ardhur nga Amerika Latine.
Për këtë rast u arrestua në Gjermani edhe pronari i firmës “Arbri Garden”, Arbër Çekaj.
“Denoncohet zhdukja e 613 kg Kokainë!
Transporti i tyre për në Itali!”, shkruan Berisha.
Lexoni denoncimin e qytetarit dixhital. sb
Zoti Sali Berisha përshëndetje si je mir? Nuk e di a ke informacion për 613 kile kokainë që është kapur në 2018 në Durrës. Të gjitha janë nisur në Itali dhe janë shitur të gjitha, di shumë mirë kush kamionist i ka transportuar.