Uniformat blu kanë sekuestruar 55.5 kilogramë kanabis.
Në pranga ra një shtetas dhe u shpall në kërkim një tjetër.
“Gjatë kontrollit të ushtruar në vijën e dytë në pikën e kontrollit të kamionëve, në mjetin tip Scania, me drejtues shtetasin M.P., shërbimet e Policisë Kufitare duke përdorur edhe qenin antidrogë konstatuan dhe sekuestruan në cilësinë e provës materiale 14 pako me lëndë narkotike e dyshuar cannabis sativa me peshë 55.5 kilogramë e fshehur në vende të ndryshme”, njoftoi Policia Kufitare, duke parandaluar dhe goditur një rast të tentativës për trafikim të lëndëve narkotike në portin e Durrësit.
Policia bëri arrestimin në flagrancë të drejtuesit të mjetit, M.P., 35 vjeç, banues në Tiranë.
Në kërkim policor u shpall shtetasi R.H., 52 vjeç, banues në Vlorë.
Materialet hetimore i kaluan Prokurorisë Pranë Gjykatës së Shkallës së Parë Durrës.