Durrës, protestë për shkollën - Bota Sot
Durrës, protestë për shkollën

Durrësi

Durrës, protestë për shkollën

Më: 25 tetor 2018 Në ora: 14:13
Pamje nga video

Një prej shkollave 9-vjeçare të Durrësit, “Jusuf Puka”, do t’i nënshtrohet rikonstruksionit të plotë, ndërsa nxënësit dhe mësuesit janë zhvendosur në turnin e pasdites në një shkollë të afërt me të.

Ky transferim ka marrë menjëherë reagimin e nxënësve, të cilët thonë se shkolla pritëse ka kushte edhe më të këqija sesa shkolla e tyre.

“Klasat janë shumë të vogla, nuk ka drita dhe nuk ka banjo”, thonë nxënësit.

Edhe prindërit shprehen të shqetësuar për mësimin pasdite dhe në kushte aspak të përshtatshme. Edhe drejtoresha e shkollës pritëse pranon gjendjen e rënduar të shkollës, ku është ndërhyrë për herë të fundit në vitet ’90.

“Vetëm me ardhjen e kosovarëve ka pasur ndërhyrje”, thotë drejtoresha.

Rikonstruksioni i shkollave është kthyer në shqetësim të vazhdueshëm për prindërit, pasi cenon procesin e rregullt mësimor.

Shfaq komentet
comments powered by Disqus
Më të lexuarat
Sot mund të lexoni Shfletoni kopertinat
Sondazh
test
Tjera