Nga 1 prilli, qytetarët e Kosovës duhet të paguajnë rrymën më shtrenjtë për 15 %.
Por, kjo rritje e prek vetëm Distributroin (KEDS) dhe jo edhe prodhuesin (KEK).
Kështu ka thënë Kryetari i Sindikatës së Re të punëtorëve të Korporatës Energjetike të Kosovës, Nexhat Llumnica.
Ai tha se te prodhuesi në këtë rast nuk është ngritur çmimi i energjisë elektrike.
“Ne (KEK-u) ashtu siç e kemi pasur 2.95 euro/cent kilovatin, kurse KEDS te qytetarët e shet 6.75 euro/cent, plus ju ka ngrit 15 përqind, gjë që për mu është e papranueshme”, shtoi ai.
Llumnica, si kryesindikalist i njerëzve që prodhojnë rrymë, tha se “mendoj që ka baza të mira që Qeveria e Kosovës të marr masa dhe të ndërpres kontratën me KEDS, e të kthej Elektrokosovën në KEK dhe do ishte më mirë shumë për qytetarët”.
Ai u shpreh se shërbyesi nuk është dashur ta rris çmimin, por prodhuesi, pasi “që janë ngrit çmimet ka kosto shtesë për prodhimin e energjisë” për KEK-un.
Tutje, ai në “Sytë 7”, tha se për shkak të inflacionit janë në kërkim të vazhdueshëm për rritje të pagave nga menaxhmenti i KEK-ut, për çka beson se do reflektoj, bazuar edhe në rrezikshmërinë në punë.
