Banka Qendrore e Republikës së Kosovës ka nënshkruar Memorandumin e Mirëkuptimit me Njësinë për Inteligjencë Financiare, i cili ka për qëllim parandalimin e pastrimit të parave dhe financimit të terrorizmit.
Në një njoftim nga BQK, thuhet se ky memorandum është nënshkruar në frymën e bashkëpunimit dhe interesit të ndërsjellë.
Momerandumi ks për qëllim të lehtësojë shkëmbimin e informacionit dhe ngritjen e kapaciteteve mbikëqyrëse të pajtueshmërisë me standardet ndërkombëtare në fushën e parandalimit të pastrimit të parave dhe financimit të terrorizmit.
“BQK dhe NJIF-K mbeten partnere të fuqishme në përpjekjet e përbashkëta për luftimin e pastrimit të parave dhe financimit të terrorizmit. BQK gjithashtu falënderon Këshillin e Evropës dhe Bashkimin Evropian për përkrahjen e vazhdueshme përmes projektit PECK në fushën e parandalimit të pastrimit të parave dhe financimit të terrorizmit”, thuhet në njoftim.
