Lidhja Demokratike e Kosovës do të organizojë nesër një tryezë diskutimi për projektbuxhetin e vitit 2024.
Të ftuar në tryezë janë odat ekonomike, sindikatat, shoqëria civile dhe ekspertë të ekonomisë kurse ngjarja nisë prej 14:00.
Deputeti i kësaj partie, Avdullah Hoti, ka thënë se Qeveria Kurti nuk po di si t’i menaxhojë buxhetet.
Postimi i plotë:
Grupi Parlamentar i LDK-së, nesër në orën 14:00, në Kuvendin e Kosovës, organizon tryezë diskutimi për projektbuxhetin e vitit 2024.
Të ftuar në tryezë janë odat ekonomike, sindikatat, shoqëria civile dhe ekspertë të ekonomisë.
Me buxhetin e vitit 2024, kjo qeveri ka menaxhuar katër buxhete vjetore, në vlerë prej mbi 11 miliardë euro dhe nuk lanë asnjë shenjë në ekonomi.
Tryeza është e hapur për të gjitha mediat dhe qytetarët që kanë interes të përcjellin këtë diskutim.
