Nëna serbe me vajzat e saj vdesin nga uria në Vjenë - Bota Sot
Nëna serbe me vajzat e saj vdesin nga uria në Vjenë

Evropë

Nëna serbe me vajzat e saj vdesin nga uria në Vjenë

Më: 24 maj 2019 Në ora: 08:10
Ilustrim

Një nënë bashkë me dy fëmijët binjakë me prejardhje serbe, ka gjetur vdekjen në apartamentin e saj në Vjenë të Austrisë në fillim të kësaj jave.

Sipas raportit zyrtarë të policisë austriake, obduksioni kishte konstatuar se kishin vdekur si pasojë e urisë.

Zëdhënësi i policisë Patrick Mayerhofer ka thënë se pas autopsisë së kryer është gjetur që tre viktimat kanë qenë të gjinisë femërore, dhe se sipas gjendjes aktuale të hetimeve, besojnë që kanë vdekur nga uria.

Ndërkohë është bërë edhe një analizë për toksikologji, por është konstatuar se nuk bëhet fjalë për helmim.

“Hetimi i parë toksikologjik nuk tregoi helmim. Një analizë e hollësishme do të kryhet në ditët e ardhshme”, ka thënë Mayerhofer, duke treguar se ato jetonin të izoluara dhe se nuk kishte ushqim fare në banesën ku jetonin.

I pari që kishte telefonuar policinë, kishte qenë një mik i familjes, i cili nuk i kishte parë për një kohë të gjatë.

E pas këtij njoftimi policia kishte shkuar në apartamentin ku jetonin, duke iu thyer derën e hyrjes , ku i kishte gjetur të tri viktimat të shtrira në shtrat.

Vesna M (45), dhe dy vajzat e saj binjake (18), kishin gjetur vdekjen.

Ndërkohë është nisur edhe një hetim për vdekje të dhunshme, edhe pse nuk kishte shenja dhune.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...