Ushtria ruse ndjek nga afër planet amerikane në Poloni - Bota Sot
Ushtria ruse ndjek nga afër planet amerikane në Poloni

Evropë

Ushtria ruse ndjek nga afër planet amerikane në Poloni

Më: 13 qershor 2019 Në ora: 18:21
zëdhënësi i Kremlinit, Dmitry Peskov

Kremlini tha të enjten se ushtria ruse po ndjek nga afër planet e Shteteve të Bashkuara për të shtuar forcat e tyre në Poloni, për t’u siguruar që çdo veprim amerikan nuk do të kërcënonte sigurinë kombëtare të Rusisë.

Zëdhënësi i Kremlinit Dmitri Peskov iu referua planeve të njoftuara një ditë më parë nga Presidenti Donald Trump për të vendosur 1,000 trupa amerikane shtesë në Poloni, si dhe dronë të rinj vëzhgues, një hap i kërkuar nga Varshava për të frenuar një agresion të mundshëm rus.

Të mërkurën, Shtetet e Bashkuara dhe Polonia nënshkruan një deklaratë të përbashkët, duke afirmuar një bashkëpunim më të ngushtë në fushën e mbrojtjes.

Ende nuk është vendosur nëse në Poloni do të ketë një instalim të përhershëm të një personeli ushtarak amerikan prej deri 2 mijë vetash.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...