Paris, protestojnë “Jelekzinjtë”/ Emigrantët pa dokumente kërkojnë statusin dhe strehim - Bota Sot
Paris, protestojnë “Jelekzinjtë”/ Emigrantët pa dokumente kërkojnë statusin dhe strehim

Evropë

Paris, protestojnë “Jelekzinjtë”/ Emigrantët pa dokumente kërkojnë statusin dhe strehim

Më: 13 korrik 2019 Në ora: 15:56
Foto

Qindra emigrantë pa dokumenta protestuan pranë Panteonit, në Parisin qendror, duke okupuar kompleksin memorial me kërkesat për bisedime, me autoritetet, për rregullimin e statusit të tyre.

Rreth 700 emigrantë dhe mbështetës së tyre morën pjesë në demonstrim. Ata thërrisnin “jelekëzinjtë-jelekëzinjtë” dhe këndonin në kor, “çfarë duam ne? Dokumenta!”.

Të ashtuquajturit jelekëzinj, janë një organizatë emigrantësh, me qendër në Paris dhe e kanë marrë emrin nga lëvizja anti-qeveritare e jelekëverdhëve.

Ndërsa protestuesit hynë në Pantheon, vendin ku gjenden varret e personaliteteve të mëdha jo ushtarake të Francës, si Volter, Viktor Hygo, Emil Zola, turistët u evakuan.

Jashtë Pantheonit, qindra të tjerë ishin mbledhur po ashtu, nën vëzhgimin e policisë.

Në një deklaratë, protestuesit jelekëzinj nënvizonin se ata donin dokumenta dhe strehim për të gjithë dhe e përshkruanin veten si të padokumentuar, të pa zë dhe të pa fytyrë në republikën franceze.

“Nuk duam të negociojmë më me Ministrin e Brendshëm dhe zyrtarët e tij, ne duam të flasim tani me Kryeministrin” – shkruanin ata.

Protestuesit qëndruan në monument për disa orë para se të evakuoheshin. Burime policore thanë se ishin kryer 37 arrestime.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...