Zgjedhjet e ardhshme parlamentare në Gjermani, të cilat do të zgjedhin një kancelar të ri pas qeverisjes së gjatë të Angela Merkelit, do të mbahen më 26 shtator të vitit 2021.
Zyra e presidentit gjerman, Frank-Walter Steinmeier njoftoi se data ishte caktuar në përputhje me rekomandimet e qeverisë.
Në Gjermani, zgjedhjet mbahen çdo katër vjet. Kancelari zgjidhet nga dhoma e ulët e parlamentit ose Bundestagi dhe kjo mund të mos ndodhë derisa të mbarojnë zgjedhjet, sepse procesi i formimit të një koalicioni mund të marrë kohë. Tre vjet më parë, kur u mbajtën zgjedhjet e mëparshme parlamentare, u deshën gati gjashtë muaj para se Merkel të betohej për mandatin e saj të katërt, raporton deutsche welle.
Angela Merkel ka qenë Kancelare që nga viti 2005. Ajo tha dy vjet më parë se nuk do të kërkonte një mandat të pestë dhe përsëriti disa herë se nuk do të ndryshonte mendje.
Partia e Bashkimit Demokristian Kristian e Merkelit do të zgjedhë presidentin e ri në janar dhe pasuesi i kancelares aktuale ka shumë të ngjarë, megjithëse jo domosdoshmërisht, të propozohet si një kandidat për kancelar.
Partia Social Demokrate e Gjermanisë ka zgjedhur Ministrin e Financave, Franz Olaf, si kandidat për kancelar.
Zgjedhësit do të zgjedhin të paktën 598 deputetë në Bundestag dhe ky numër mund të jetë edhe më i lartë, për shkak të sistemit kompleks zgjedhor në Gjermani. Gjegjësisht, bazohet në përfaqësimin proporcional, por votuesit gjithashtu zgjedhin drejtpërdrejt përfaqësuesit lokalë. Bundestag aktualisht ka 709 deputetë.
