Ministri i shëndetësisë i Turqisë thotë se vendi i tij nuk ka plane për të bërë të detyrueshëm vaksinimin kundër koronavirusit të ri, por do të punojë për të bindur publikun për sigurinë e vaksinave, raporton AP.
Duke folur para gazetarëve pas një takimi të këshillit këshillimor shkencor të vendit të mërkurën, Fahrettin Koca gjithashtu tha se njerëzit që morën virusin në katër deri në gjashtë muajt e fundit, fëmijët dhe gratë shtatzëna nuk do të vaksinohen.
Turqia ka porositur 50 milion doza të vaksinës të zhvilluar nga kompania kineze Sinovac Biotech, me dërgesën e parë që do të mbërrijë në ditët në vijim.
Turqia është gjithashtu e angazhuar në bisedime për të marrë vaksina të tjera dhe shpreson që një vaksinë turke të jetë gati për përdorim në prill.
