Zvicra ka marrë masa të reja parandaluese për COVID-19.
Zvicra ka urdhëruar restorante, bare dhe dyqane të mbyllen nga ora 7 e pasdites në pjesën më të madhe të vendit, tha qeveria të Premten, ndërsa vendi vazhdon të përballet me një nivel të lartë të infeksioneve dhe vdekjeve të COVID-19.
Qeveria tha se rajonet më pak të goditura nga pandemia do të lejohen ende të kenë vende të hapura deri në orën 23:00, në masat që hyjnë në fuqi të shtunën.
Përjashtimi do të zbatohej për kantonet që kishin një normë riprodhimi të virusit nën 1.
Masat, të vendosura pas diskutimeve midis qeverisë dhe autoriteteve lokale, gjithashtu ndikojnë në ngjarje dhe aktivitete kulturore të cilat janë kufizuar në grupe me pesë persona.
“Niveli i infeksioneve me koronavirus mbetet i lartë dhe në disa kantone po rritet përsëri,” tha qeveria në një deklaratë. “Spitalet janë afër kufijve të tyre dhe personeli shëndetësor është nën presion. Situata është shqetësuese”.
Të Premten, autoritetet raportuan 5,136 raste të reja dhe 106 vdekje të tjera në Zvicër dhe principatën fqinje Lihtenshtajnin.
