Qytetarët francezë dhe të BE-së do të jenë në gjendje të rikthehen në Francë nga Britania e Madhe të mërkurën me test negativ të koronavirusit, njoftoi dje zyra e kryeministrit francez. Ndërsa kjo pritej të qetësonte situatën dramatike në jug të Anglisë, shoferët e ngrirë dhe të uritur nuk janë më të lumturit me këtë zgjidhje.
Rrjedhja po shkon shumë ngadalë, shoferët po u nënshtrohen provave të shpejta, për gjysmë ore ata e dinë nëse janë pozitivë apo negativë, por është e qartë se me këtë ritëm shumë do të mbeten të bllokuar për ditë në kufi. 10,000 shoferë tashmë janë duke pritur për të hyrë në Francë, dhe disa prej tyre janë ulur në kamionët e tyre për katër ditë, duke pritur që fuqitë evropiane të vendosin.
BREAKING: Confrontations between drivers and police officers in Dover after delays in reopening the Channel crossing.
— Sky News (@SkyNews) December 23, 2020
Get live #coronavirus updates: https://t.co/DphRZzuRMN pic.twitter.com/vhcQY0Xge3
Mirëpo, situata u përshkallëzua të mërkurën në mëngjes kur shoferët filluan të grupohen dhe të sulmojnë policinë. Një reporter i Sky Neës-it raporton se sirenat kanë jehonë nëpër Dover për 20 minuta.
- Në çdo rast, ne jemi në një situatë më të mirë se dje, të paktën kufiri është i hapur. Sidoqoftë, problemi është testimi. Anglezët thonë se mund të testojnë 6,000 njerëz në ditë, por edhe kjo është e diskutueshme. Aktualisht ka 10,000 kamionë në rrugët dhe pistën e Aeroportit të Manstonit, dhe 7,000 të tjerë priten sot. Pra, disa mund të ngecin për ditë - tha Raluca Marian nga Unioni Ndërkombëtar i Transportit.
Ministri Britanik i Transportit Grant Shapps në Tëitter u kërkoi shoferëve të kamionëve që të mos shkojnë në Kent, ku janë radhët më të ngarkuara të kamionëve.
Shapps tha se ‘në dy deri në tre ditë gjithçka do të zgjidhet’.
Qeveria në Paris ka identifikuar disa kategori të atyre për të cilët do të zbatohet masa, duke përfshirë ato në tranzit në më pak se 24 orë, diplomatët dhe familjet e tyre, punonjësit shëndetësorë, punonjësit e linjave ajrore dhe hekurudhave.
Rregullat e reja do të jenë në fuqi deri në 6 janar, përveç nëse një vendim tjetër merret në bisedimet Londër-Paris.
Komisioni Evropian të martën u bëri thirrje vendeve anëtare të bashkërendojnë masat për të frenuar përhapjen e një lloji të ri të koronavirusit nga MB duke dekurajuar udhëtimin që nuk është i nevojshëm dhe duke lehtësuar atë që është e nevojshme.
