Kroacia qendrore sërish është dridhur në orën 6.15 në mëngjes, 12 minuta më vonë është përsëritur dridhje me intensitet të njëjtë.
Sipas medieve kroate, Shërbimi sizmologjik bën të ditur se në këtë periudhë kanë ndodhur tri tërmete, më i forti prej të cilëve 4,8 gradë.
- Nuk mund të themi 'mirëmëngjes, nuk jemi mirë. Në orën 6.15 të këtij mëngjesi u goditëm nga tërmeti i tretë, në mos i katërti - më i shkurtër por i fortë. Gjithçka që ende nuk ka rënë, po bie nga rrënojat e Petrinjës. Kjo natë e dytë pa gjumë për Sisaku dhe Banijan është një presion i madh për të ardhmen dhe ekzistencën. Ne po i përjetojmë të gjitha këto së bashku, tha Darinko Dumboviq, kryetari i Komunës së Petrinjes, në paraqitjen e tij në emisionin e mëngjesit të HRT-së.
Shumë qytetarë e kanë kaluar natën jashtë, nga frika e tërmeteve të reja.
"Gjatë natës, vizituam 84 fshatra dhe fshatra, askush nuk u gjet nën rrënojat, ishin dy persona me duar të thyera. Nga Sisaku në Hrvatska Kostajnica, e gjithë zona ishte prekur ", tha Josip Graniq nga HGSS-ja në paraqitjen në një emision televiziv.
Ines Ivançiq, shefe e Shërbimit Sizmologjik, ka konfirmuar se toka do të vazhdojë të dridhet.
"Do të tronditet për një kohë të gjatë, tërmeti të martën ishte shkatërrues dhe do të pasohet me siguri të madhe nga një seri e madhe të tërmetesh, midis të cilave, me siguri, do të ketë edhe më të forta," tha ajo.
Dje, pas mesdite, një tërmet me fuqi 6,3 gradë rë shkallës së Richterit ka goditur Kroacinë, ndërsa dridhjet janë ndjerë në tërë Ballkanin.
Sipas informatave të fundit, kanë vdekur shtatë persona, në mesin e tyre dy fëmijë.
Sipas EMSC-së, tërmeti ka qenë me fuqi prej 6,3 shkallë me epiqendër 46 kilometra nga Zagrebi. Më vonë ka ndodhur edhe një dridhje e re, më e dobët - 4,5 gradë.
Qendra e qytetit Petrinje, e goditur më së shumti nga tërmeti, bëhet e ditur se është e tëra në rrënoja.
