Ministria e shëndetësisë e Portugalisë tha të hënën vaksina e AstraZeneca preferohet të përdoret në nën-65 vjeç.
Kështu, sipas Reuters, përcjell Telegrafi, ky vend bëhet i fundit evropian që ka shprehur rezerva në lidhje me efikasitetin e saj tek njerëzit e moshuar.
Gjithsesi, siç ka thënë ministria, vaksinimi i një personi prej 65 vjet ose më shumë nuk duhet të vonohet nëse vaksina AstraZeneca është e vetmja në dispozicion.
Ndryshe, deri më tani, Portugalia ka regjistruar 765,414 raste me coronavirus dhe 14,158 vdekje.
Grupi i parë i vaksinave AstraZeneca mbërriti të dielën, duke numëruar 42,300 doza.
Vendi deri më tani ka marrë pak më pak se 390,000 doza të vaksinës Pfizer/BioNTech dhe 19,200 doza të Moderna, thotë ministria e shëndetësisë.
