Shumë pjesë të Gjermanisë u goditën nga një stuhi me shi të fortë dhe bubullima gjatë fundjavës, në të cilën një person humbi jetën dhe një fëmijë u lëndua rëndë.
Në Stuttgart, një punëtor në vendin e ndërtimit vdiq kur uji rrëzoi skelet dhe tre punëtorët tjerë morën lëndime trupore, raporton gazeta “Bild”.
Në Dusseldorf, një vajzë dymbëdhjetëvjeçare ra në rrugë nga biçikleta e saj pasi u godit nga rrufeja, dhe pastaj një makinë e goditi atë. Vajza mori lëndime të rënda, dhe nëna e saj u shtrua në spital për shkak të tronditjes.
Meteorologët kanë paralajmëruar stuhi nga Deti i Veriut në Saksoninë dhe Bavarinë lindore dhe reshjet e mëdha të shiut kanë shkaktuar përmbytje në pjesë të Bavarisë.
Për shkak të shiut të madh, zona përreth stacionit kryesor hekurudhor në Stuttgart u përmbyt gjithashtu, dhe një zëdhënës i policisë tha këtë mëngjes se niveli i ujit arriti në 30 centimetra.
Policia tha se në pjesën lindore të provincës gjermane Hessen, uji hoqi shumë targa nga makina dhe u kërkoi qytetarëve që i gjenin t’i sillnin në stacionin më të afërt të policisë.
