Një akt heroik i një burri austriak i cili ua shpëtoi jetën një çifti turk në qytetin Hallein, ka bërë xhiron e rrjetit. Hallein, një qytet afër kufirit të vendit me Gjermaninë është një nga vendet më të goditura nga përmbytjet e kësaj jave.
Kur reshjet e shiut shkaktuan përmbytje në qytet, një çift e gjeti veten përballë një zgjedhjeje të vështirë.
Të kalonin rrugën ku ndodhej restoranti i tyre për të arritur një vend të sigurt ose të qëndronin aty. Ata vendosën të kalonin nëpër ujërat e furishme, por pa marrë parasysh se mund të rrezikonin jetën e tyre.
Në atë moment, një burrë u hodh në ujë dhe e tërhoqi çiftin në një vend të sigurt pas një beteje të rëndë.
Videoja e shpëtimit u nda nga zëvendësministri i Jashtëm turk, Yavuz Selim Kran, i cili gjithashtu lëshoi një falënderim në internet për “burrin hero”.
?Avusturya#Salzburg bölgesindeki sel felaketinde suya kapılan #Ordu'lu hemşehrimiz Salih Karaarslan ve eşi Ayşe Karaarslan #Avusturya'lı komşuları tarafından kurtarıldı.
— Yavuz Selim KIRAN (@yavuzselimkiran) July 18, 2021
Vatandaşlarımızı arayarak geçmiş olsun dileklerimizi ilettik.?
Çok şükür durumları iyi. ?? pic.twitter.com/nl3sCyooXs
