Osman Zerey kurrë nuk e kishte menduar se do të ribashkohej me djalin e tij që u detyrua të linte në Itali 36 vjet më parë.
Sipas mediave të huaja, burri turk kishte pak mundësi për ta gjetur atë pasi u dëbua nga vendi evropian në vitin 1985.
Në vend të kësaj, djali i tij Salvatore Napoli, e gjeti babanë e tij pas një kërkimi në mediat sociale.
Të dy u takuan për herë të parë në vite në Fatsa, qyteti i lindjes së Zerey në provincën veriore të Turqisë të Ordu.
Siç bëhet e ditur, Zerey kishte udhëtuar në Milano të Italisë në vitin 1979 për punë dhe takoi gruan e tij italiane atje.
Të dy kishin një fëmijë, por kur skadoi leja e punës së Zerey në Itali, ai u dëbua në Turqi, ndërsa djali i tij ishte dy vjeç.
Gruaja e tij nuk pranoi të shkonte në Turqi, e as nuk e lejoi Zerey të vizitonte djalin e tyre.
Por djali i tij filloi të kërkonte për babanë e tij pasi nëna e tij vdiq, por e vetmja gjë që ai dinte për babanë e tij ishte një fotografi dhe emri i tij.
Napoli i shtoi të gjithë me atë emër në mediat sociale miqve të tij dhe kontaktoi secilin person.
Më në fund, ai takoi një burrë, i cili më vonë doli të ishte djali i Osman Zerey nga martesa e dytë e këtij të fundit.
Napoli hipi menjëherë në një aeroplan për në Turqi dhe vizitoi Zerey.
Babë e bir shpërthyen në lot kur u takuan.
“Unë jam shumë i lumtur që e gjej atë pas 36 vjetësh”, ka thënë Zerey, duke mos mundur të mbajë lotët.
“Unë kurrë nuk hoqa dorë nga kërkimi i tij, por nuk kisha sukses. Falë Zotit, ai më gjeti”, tha ai. “Nuk do ta lë më kurrë. Unë kam një djalë dhe dy vajza dhe tani kam djalin tim të dytë”, tha ai.
Napoli tha se nëna e tij kurrë nuk foli shumë për babanë e tij dhe një fotografi që kishte me babanë e tij ndërsa ishte ende fëmijë ishte çelësi i tij i vetëm.
“E vetmja gjë që dija ishte se ai ishte një turk. Jam i kënaqur që e gjej pas gjithë këtyre viteve. Më duhet të kthehem në Itali, por do të vij këtu më shpesh”, ka thënë ndër tjerash ai.
