Në funksion të krizës valutore në Turqi, presidenti Erdogan i bën thirrje popullatës që t'i besojë sërish valutës së brenshm Lirës. Kursimet duhet të mbahen dhe biznesi të zhvillohet në monedhën vendase. Sfondi i kësaj është devalvimi i shpejtë në kohën e fundit të lirës.
Presidenti turk Rexhep Tajip Erdogan i ka bërë thirrje popullatës që të mbajë kursimet e tyre në lirën turke. "Unë dua që të gjithë qytetarët e mi të mbajnë kursimet e tyre në monedhën tonë dhe të bëjnë të gjitha bizneset e tyre në monedhën tonë," tha ai në një fjalim në Stamboll.
“Të mos harrojmë: për sa kohë që ne nuk përdorim paratë tona si pikë referimi, jemi të dënuar me fundosje. Lira turke, si para e jona, është ajo që do të duhej ta përdorim për të ecur përpara. Jo me këtë apo atë valutë të huaj. "
Erdogan gjithashtu i bëri thirrje popullatës që kursimet e arit t´i depozitoi në sistemin bankar turk. "Sa më shumë nga 5000 tonët ari që ruhen nën jastëkë e juaj të futen në ekonomi, aq më shumë ne bëhemi më të fortë si vend dhe si popull". Sipas të dhënave zyrtare, qytetarët e Turqisë mbajnë rreth gjysmën e kursimeve të tyre në ar dhe në valutë të huaj. Sfondi është inflacioni - më shumë se 21 përqind në nëntor - i shoqëruar me një humbje të besimit në lirën e brendshme.
Kjo humbi rreth 44 për qind të vlerës së saj kundrejt dollarit në vitin 2021. Është kriza e dytë e monedhës në Turqi që nga viti 2018 dhe rënia më e keqe në një vit, që nga fillimi i epokës së Erdoganit gati dy dekada më parë.
Ekspertët e shohin arsyen e krizës valutore dhe inflacionit të lartë edhe në politikën monetare të pazakonshme të bankës qendrore turke. Me insistimin e Erdoganit, ky i fundit ka ulur vazhdimisht normën bazë të interesit, megjithëse ekonomistët e konsideronin rritjen si përgjigjen e duhur.
Erdogan ripohoi qasjen: "Ne luftuam për të shpëtuar ekonominë, nga cikli i normave të larta të interesit dhe inflacionit të lartë," tha ai. Ai gjithashtu përdori përsëri Kuranin për të mbrojtur politikën e tij të normave të ulëta të interesit. Islami ndalon normat shumë të larta të interesit ose kursimet dhe kamatat, tha Erdogan. Studiuesit, megjithatë, janë të ndarë se si mund të formulohet një fitim i arsyeshëm.
