Në krye të listës së politikanëve më të pasur në Itali është gjithmonë ai: Silvio Berlusconi. Drejtuesi i Forza Italia ka deklaruar në organet tatimore mbi 50 milionë euro. Në raport me të njëjtën periudhë të vitit 2021, shuma e kryeministrit aktual Mario Draghi është afërsisht 528 mijë euro.
Përveç shumës së tatueshme, pasuria e Berlusconit lidhet me paratë e tij në bankë, aksionet, vilat që zotëron dhe makinat në emër të tij.
Deri në vitin 2020, pasuritë e luajtshme dhe të paluajtshme të Berlusconit nuk kanë ndryshuar. Formulari i dorëzuar tek autoritetet tatimore në vitin 2021, megjithatë, tregon se ai ka në pronësi një vilë në Komunën e Casatenovo, e cila duhet të korrespondojë me Villa Maria di Rogoredo di Casatenovo (afër Arcore), ku për një periudhë të caktuar kavalieri jetoi me ish-të dashurën e tij Francesca Pascale .
Midis të tjerave, pasuria e Berlusconit përfshin gjithashtu një Audi A6 dhe tre varka ekstra-luksoze: “San Maurizio” (blerë në 1977), “Magnum 70” (nga ’90) dhe varkën me vela “Principessa vai via” (nga 1965), shkruan La Repubblica.
Varka e fundit iu shit pronarit të Mediolanum Ennio Doris, por Bersluconi e mori sërish. Përgjatë vitit të fundit kreu i Forza Italia ka fituar më pak, duke shënuar një ‘humbje’ prej 518 mijë e 449 euro. Berlusconi është renditur gjithnjë në krye të listës së politikanëve më të pasur në Itali.
