Ndërsa bota është pushtuar nga ethet e një lufte të mundshme mes Ukrainës dhe Rusisë, Vladimir Putin ka larguar jahtin e tij nga një port në Gjermani gjatë kësaj jave.
Kjo ka nxitur spekulimet se ai po i frikësohet sanksioneve të mundshme në rast të sulmit, shkruan Daily Mail.
Jahti i quajtur Graceful ka një vlerë prej 73,2 milionë paund. Ai është ndërtuar nga Sevmash në Rusi, ndërsa më pas lundroi për në Gjermani për modifikime të vogla. Luksi mbizotëron gjithandej në jahtin 82 metra të gjatë.
Gjermania Bild ka shkruar së fundmi se jahti u “arratis” përpara se të gjitha riparimet të kishin përfunduar.
Një jaht me një platformë për helikopter dhe një pishinë që kthehet në një pistë vallëzimi, lundroi jashtë kantierit detar gjerman përpara sanksioneve të mundshme nëse Rusia pushton Ukrainën.
