Kancelari i Gjermanisë Olaf Scholz, ka reaguar pas sulmit të Rusisë në Ukrainë.
Scholz tha se dita e sotme është “ditë e zezë për Evropën”.
Ai theksoi se Rusia duhet t’i ndalojë menjëherë sulmet.
“Sulmi rus ndaj Ukrainës është një shkelje e hapur e ligjit ndërkombëtar. Nuk ka asnjë justifikim për të. Gjermania dënon këtë akt të pamatur të Presidentit Putin në termat më të ashpër të mundshëm. Solidariteti ynë është me Ukrainën dhe popullin e saj. Rusia duhet të ndalojë menjëherë këtë veprim ushtarak. Në kuadër të G7, NATO-s dhe BE-së, ne do të koordinohemi nga afër sot. Kjo është një ditë e tmerrshme për Ukrainën dhe një ditë e zezë për Evropën”.
