Një zyrtar i lartë i mbrojtjes i SHBA-së deklaroi se nuk ka asnjë arsye për të dyshuar në vlefshmërinë e raporteve se presidenti rus Vladimir Putin ka vendosur forcat e tij bërthamore në gjendje të lartë gatishmërie.
"Ne besojmë se ky nuk është vetëm një hap i panevojshëm për t'u ndërmarrë, por një hap përshkallëzues ... që mund t'i bëjë gjërat shumë më të rrezikshme," tha ky zyrtar për Fox News.
“Ne nuk kemi asnjë arsye të dyshojmë në vlefshmërinë e këtij urdhri, por se si është shfaqur ai vetë nuk është ende plotësisht e qartë,” shtoi ai.
Zyrtari amerikan theksoi se Pentagoni është "i bindur" se ka aftësinë për të mbrojtur "atdheun, aleatët dhe partnerët" me "parandalim të ashpër strategjik".
Por Pentagoni është ende duke punuar për të "vlerësuar se çfarë do të thotë në të vërtetë ky veprim në terma të prekshëm", shtoi ai.
