Një reaktor kërkimor bërthamor në Harkiv, qyteti i dytë më i madh i Ukrainës, është goditur nga granatimet ruse, sipas autoriteteve lokale.
Mediumi ‘Kyiv Independent’ raporton se për shkak të bombardimeve të vazhdueshme në zonë, në verilindje të vendit, autoritetet nuk kanë qenë në gjendje të vlerësojnë dëmet.
Rusia është kritikuar vazhdimisht për shënjestrimin e centraleve bërthamore në Ukrainë.
Edhe pse e rrezikshme, deri më tani nuk ka pasur asnjë lëshim të materialit radioaktiv.
Ministri i Jashtëm ukrainas dënon sulmin e Rusisë ndaj memorialit të Holokaustit pranë Kharkiv
Nga: M.H.
Ministri i Jashtëm ukrainas Dmytro Kuleba kritikoi sot sulmin e Rusisë në një vend përkujtimor të Holokaustit pranë qytetit të Kharkiv.
"Pse Rusia vazhdon të sulmojë memorialet e Holokaustit në Ukrainë?" Kuleba pyeti në një postim në Twitter, duke shtuar se ai pret që Izraeli të dënojë atë që ai e quajti një akt "barbarizmi".
Granatimet ruse dëmtuan një monument Menorah kushtuar "kujtimit të mbi 15,000 hebrenjve të vrarë nga nazistët", shkroi ministri i Jashtëm, shkruan CNN, përcjell “Bota sot”.
Në fillim të këtij muaji, sulmet ajrore ruse goditën Qendrën Përkujtimore të Holokaustit Babyn Yar në Kiev, ku rreth 70,000 deri në 100,000 njerëz u qëlluan nga nazistët.
Biden: Putini – si të gjithë autokratët para tij, beson se lufta është e drejtë
Presidenti i ShBA-së, Joe Biden, e ka krahasuar presidentin e Rusisë, Vladimir Putinin, me autokratëtë e tjerë, duke thënë se si të gjithë para tij, mendon se lufta mund të jetë e drejtë.
“Putin – si të gjithë autokratët para tij – beson se kjo mund të jetë e drejtë”, ka shkruar Biden në një cicërimë në Twitter.
Tutje Biden citoi një kuotë të ish-presidentit amerikan, Abraham Lincoln.
Putin — like all autocrats before him — believes that might makes right.
President Abraham Lincoln voiced an opposing spirit to save our Union: “Let us have faith that right makes might.”
“Presidenti Abraham Lincoln shprehu një frymë kundërshtare për të shpëtuar Bashkimin tonë: ‘Le të kemi besim se e drejta bën fuqi’”, citoi Biden.
“Sot, le ta kemi përsëri atë besim”, shtoi presidenti.
Oligarkët e Rusisë mund të bëjnë biznes në Turqi
Oligarkët e Rusisë mund të vazhdojnë të bëjnë biznes në Turqi për sa kohë që ata respektojnë ligjin kombëtar dhe ndërkombëtar, tha të shtunën Ministri i Jashtëm i Turqisë, Mevlut Cavusoglu.
I intervistuar në margjinat e Forumit të Dohas në Katar, Cavusoglu u pyet nëse oligarkët rusë që përballen me sanksione nga vendet perëndimore mund të bëjnë biznes në Turqi.
“Sigurisht, nëse është e ligjshme, nëse nuk është në kundërshtim me të drejtën ndërkombëtare, do ta konsideroj”, tha ai.
“Nëse është kundër ligjit ndërkombëtar, kjo është një histori tjetër”, theksoi Cavusoglu.
Dy superjahte që i përkasin miliarderit rus Roman Abramovich u ankoruan në Turqi këtë javë.
Shtetet e Bashkuara do t'i japin Ukrainës 100 milionë dollarë shtesë
Agjencia e lajmeve Reuters raporton se Shtetet e Bashkuara të Amerikës synojnë t’i japin 100 milionë dollarë ndihmë shtesë për Ukrainën.
Fondet do të përdoren për të ndërtuar kapacitetet e Ministrisë së Brendshme të Ukrainës me qëllim "sigurinë kufitare, ruajtjen e funksioneve civile të zbatimit të ligjit dhe mbrojtjen e infrastrukturës kritike të shtetit", tha Sekretari i Shtetit i SHBA-së, Antony Blinken.
Biden flet me liderin e opozitës bjelloruse
Presidenti amerikan, Joe Biden, foli përmes telefonit me udhëheqësen e opozitës bjelloruse Sviatlana Tsikhanouskaya dhe e falënderoi atë për pjesëmarrje në fjalimin e tij në Varshavë të Polonisë, tha Shtëpia e Bardhë.
“Presidenti [Biden] theksoi mbështetjen e vazhdueshme të Shteteve të Bashkuara për popullin bjellorus në mbrojtjen dhe avancimin e të drejtave të njeriut, duke përfshirë lirinë e shprehjes dhe zgjedhjet e lira dhe të ndershme”, thuhet në njoftimin e Shtëpisë së Bardhë.
Kryebashkiaku i qytetit Lviv: Sulmet ajrore ruse ishin një mesazh për Biden
Armirë Shaqiri
Sulmet ajrore ruse në qytetin perëndimor të Ukrainës, Lviv sot kishin për qëllim t'i dërgonin një mesazh presidentit amerikan Joe Biden, tha kryebashkiaku Andriy Sadovyy.
Ai ka folur në një konferencë të përbashkët me kreun e administratës civile ushtarake të Lviv, Maksym Kozytskyy, të transmetuar në YouTube, raporton BBC, transmeton "Bota sot".
"Unë mendoj se, me goditjet e sotme, agresori po i dërgon mesazh Presidentit Biden, i cili ndodhet tani në Poloni. Lviv është 70 km larg Polonisë," thotë Sadovyy.
"Unë mendoj se e gjithë bota duhet të kuptojë se kërcënimi është jashtëzakonisht serioz."
Kozytskyy thotë se raketat goditën dy objekte infrastrukturore kritike, njëra prej të cilave ishte një depo nafte në një zonë banimi në Lviv dhe tjetra ishte një fabrikë ushtarake e vendosur gjithashtu në një zonë banimi. Secili prej tyre ishte në shënjestër të dy sulmeve me raketa, thotë ai.
Askush nuk u vra, shton Kozytskyy, por pesë persona kërkuan ndihmë mjekësore.
Zbulohet nga i hodhi Rusia raketat e fundit në Ukrainë
Arbnore Zhushi
Kryetari i bashkisë së Lviv, Andriy Sadovyi, ka thënë se raketat që goditën qytetin perëndimor të Ukrainës, më herët u hodhën nga Sevastopol në Krime, një zonë e aneksuar nga Rusia në 2014.
Ai tha gjithashtu se askush nuk u vra nga sulmet, përcjell Bota sot.
Një objekt mbrojtës dhe një depo karburanti u goditën, tha guvernatori i Lviv, Maksym Kozytskyy.
Korrespondentja e Sky News, Sally Lockwood, e cila ndodhet në Lviv, tha se e kuptoi se ishte goditur një fabrikë tankesh.
Të paktën 2.27 milionë refugjatë kanë hyrë në Poloni që nga fillimi i luftës në Ukrainë
Gati 2.27 milionë refugjatë kanë hyrë në Poloni që nga fillimi i luftës në Ukrainë.
Që nga 24 shkurti, kur Rusia pushtoi Ukrainën, 2,268 milionë njerëz kanë kaluar kufirin polako-ukrainas me Poloninë, deklaroi Roja Kufitare (SG).
SG shkroi në Twitter se agjentët e Gardës Kufitare kryen 30 500 kontrolle kufitare për njerëzit që hynin në Poloni nga Ukraina, një rënie prej 6.4 për qind nga një ditë më parë.
Roja kufitare tha gjithashtu se numri i mbërritjeve deri në orën 7:00 të mëngjesit të së shtunës kishte arritur në 6 100, duke rënë 11% nga e premtja.
Ministri ukrainas: Rreth 4,500 ndërtesa banimi janë shkatërruar
Rusia ka shkatërruar rreth 4,500 ndërtesa banimi, 100 ndërmarrje, 400 institucione arsimore dhe 150 institucione mjekësore në Ukrainë, thotë një ministër i qeverisë ukrainase.
Dëmi i përgjithshëm në të gjithë vendin do të vlerësohet pas përfundimit të armiqësive dhe heqjes së minave, thotë ministri për Zhvillimin e Komunitetit dhe Territorit Oleksiy Chernyshov, cituar nga agjencia e lajmeve Interfax-Ukraine.
Sipas vlerësimeve paraprake, humbjet e shkaktuara nga Ukraina kanë arritur në dhjetëra miliarda dollarë, me shumën që rritet çdo ditë.
Me synimin e përpjekjeve për rindërtim, qeveria ka thjeshtuar procedurat për importin e materialeve të ndërtimit. Megjithatë, shton ministri, çdo rindërtim duhet të paraprihet nga pastrimi i minave dhe rrënojave.
Ukraina shpreson të përfshijë specialistë vendas dhe të huaj në përpjekjet e rindërtimit.
