Negociatorët ukrainas dhe rusë u takuan në Turqi të martën në bisedimet e para ballë për ballë në gati tre javë, me Ukrainën që kërkon një armëpushim pa bërë kompromis për territorin apo sovranitetin, pasi forcat e saj kanë larguar rusët nga Kievi.
Presidenti turk Recep Tayyip Erdogan mirëpriti delegacionet nga të dyja palët në një pallat të Stambollit, duke thënë se “ndalimi i kësaj tragjedie” ishte në dorën e tyre, raporton Reuters.
Televizioni ukrainas raportoi se bisedimet kishin filluar me “një mirëseardhje të ftohtë” dhe pa shtrëngim duarsh.
Ukraina dhe Shtetet e Bashkuara kanë pak shpresë për një përparim të menjëhershëm. Por rifillimi i bisedimeve ballë për ballë është një hap i parë i rëndësishëm drejt një armëpushimi në një pushtim rus që është ngecur në shumicën e fronteve, por që u shkakton vuajtje të tmerrshme civilëve të bllokuar në qytetet e rrethuara.
Më shumë se një muaj pas luftës, sulmi më i madh ndaj një kombi evropian që nga Lufta e Dytë Botërore, më shumë se 3.8 milionë njerëz kanë ikur jashtë vendit, mijëra janë vrarë dhe plagosur dhe ekonomia e Rusisë është goditur nga sanksionet.
Në linkun më poshtë gjeni videon nga takimi i delegacioneve të Ukrainës dhe Rusisë:
