Qyteti i Borodyanka do të goditet më së shumti nga pushtimi rus në rajonin e Kievit, ka thënë prokurori i përgjithshëm ukrainas, raporton BBC, transmeton Bota sot.
Duke folur në televizionin ukrainas, Iryna Venediktova tha se numri i viktimave në qytet do të ishte më i madh se kudo tjetër, por nuk dha detaje të mëtejshme.
Borodyanka është rreth 23 km në perëndim të Bucha, ku imazhet që nga tërheqja ruse kanë treguar trupa të shumtë të shtrirë në rrugë, disa me duar të lidhura pas shpine.
Zonja Venediktova tha gjithashtu se sipas saj, shumë nga veprimet e ushtrisë ruse në rajonin e Kievit mund të klasifikohen si krime kundër njerëzimit.
Të dielën, autoritetet ukrainase njoftuan se po hetonin mizoritë e supozuara nga forcat ruse në zonat përreth Kievit që ata kanë pushtuar javët e fundit.
