Një vend që shumë janë përpjekur të largohen është qyteti i shkatërruar i Mariupolit - i cili është fokusi i sulmeve të pandërprera ruse.
Ukraina i ka bërë thirrje Moskës që të lejojë hapjen e një korridori humanitar për t'i lejuar njerëzit të largohen të sigurt nga qyteti. Por nuk ka korridore të tillë që funksionojnë të hënën pasi zyrtarët nga të dy vendet nuk arritën të bien dakord për një plan, shkruan BBC, transmeton Bota sot.
Zëvendëskryeministrja Iryna Vereshchuk kërkoi gjithashtu një korridor të dytë nga zona e fabrikës së çelikut Azovstal. Kjo do të mundësonte një rrugë të sigurt daljeje për gratë, fëmijët dhe civilët e tjerë.
Fabrika e madhe industriale është streha e fundit e rëndësishme e Ukrainës në qytetin port jugor të rrethuar.
Duke shkruar në Telegram, Vereshchuk paralajmëroi se rusët mund të shpalleshin përgjegjës për krime lufte nëse refuzonin të lejonin funksionimin e rrugëve të daljes.
