“Duke hyrë në rrënoja, shoh një vajzë të vogël, këmbët e së cilës ishin drejt meje. Instinktivisht, i heq dorezat dhe i kap këmbët e vogla, siç bëj me djalin tim kur e shoh pa çorape”.
Me këto fjalë shpëtuesi i EMAK-ut, Kostas Athanasopoulos përshkruan momentet tronditëse që ka jetuar në Antiokinë e rrafshuar. Ai është njeriu, imazhi i të cilit shfaqet duke shpërthyer në lot, pak pasi shpëtoi një vajzë 6-vjeçare nga rrënojat e shtëpisë së saj, duke u bërë virale.
Pasi kanë mbërritur në orët e para të 7 shkurtit në provincën e Hatay-t pas tërmetit në Turqi dhe me dritën e parë të diellit, ekipi i EMAK-ut fillon të operojë ku u është thënë se ka gjurmë jete. Z. Athanasopoulos ndihmon fillimisht në lirimin e një 50-vjeçari, kur ai thirret nga kreu i tij, zjarrfikësi Dimitris Roupa, për të ndihmuar në çlirimin e një vajze 6-vjeçare.
Gjëja e parë që bën kur hyn në rrënoja dhe gjen vajzën gjashtëvjeçare është t’i kap këmbët dhe t’a përqafoj.
“I heq dorezat dhe i prek këmbët e saj të vogla, siç bëj me djalin tim kur e shoh gjithmonë pa çorape për të parë nëse janë të ftohtë për t’u siguruar që ai të mos sëmuret. Këmbët e saj ishin shumë të ftohta.
E kap, e përqafoj që ta ngroh dhe shoh që ajo fillon të relaksohet dhe fle. I bëj thirrje mjekëve të urgjencës që ishin me ne. Unë i them, doktor, ajo do të flejë me mua. Më thotë mos e lër të flejë, mbaje zgjuar”, përshkruan zoti Athanasopoulos për Agjencinë Athinase të Lajmeve.
Vajza gjashtë vjeçare ishte me nënën dhe dy vëllezërit e saj, të gjithë të mbërthyer në dhomën në të cilën ndodheshin. Zoti Athanasopoulos së bashku me pjesën tjetër të ekipit përpiqen të çlirojnë 6-vjeçaren, duke nxjerrë në fillim motrën e saj 7-vjeçare pa ndjenja, e cila po “ngacmonte” të mbijetuarën me trupin e saj të pajetë.
