BE-ja dënoi kërcënimin e Moskës kundër Gjykatës Penale Ndërkombëtare (ICC) pas lëshimit të një urdhër-arresti për krime lufte për presidentin rus Vladimir Putin.
“Bashkimi Evropian dënon kërcënimin e paligjshëm nga një përfaqësues i rangut të lartë rus për të përdorur forcën kundër Gjykatës Ndërkombëtare Penale (ICC) dhe vendit pritës të saj, Holandës,” tha në një deklaratë shefi i politikës së jashtme të BE-së, Josep Borrell.
“Ai dënon gjithashtu masat e shpallura nga Rusia kundër Prokurorit të GJNP-së dhe gjyqtarëve të përfshirë në lëshimin e urdhër-arresteve kundër përfaqësuesve rusë”, shtoi Borrell.
Duke riafirmuar mbështetjen “e plotë” të BE-së për GJPN-në, ai tha: “Çdo masë hakmarrëse ndaj atyre që janë të përfshirë në punën e ICC-së është e papranueshme”.
Ai nënvizoi se GJNP duhet të jetë në gjendje të punojë në mënyrë të pavarur dhe të paanshme në udhëheqjen e luftës kundër mosndëshkimit.
BE mbetet e angazhuar për të mbrojtur gjykatën nga “çdo ndërhyrje e jashtme që synon të pengojë rrjedhën e drejtësisë dhe të minojë sistemin ndërkombëtar të drejtësisë penale,” tha ai.
ICC shprehu shqetësim të mërkurën pas një kërcënimi për lëshimin e raketave hipersonike në gjykatën e krimeve të luftës në Hagë nga Dmitry Medvedev, nënkryetari i Këshillit të Sigurimit të Rusisë.
Të hënën, Medvedev tha se “është mjaft e mundur të imagjinohet që një raketë hipersonike të lëshohet nga Deti i Veriut nga një anije ruse në gjykatën e Hagës”.
“Shikoni me kujdes qiellin”, shtoi ai.
Urdhri i arrestimit të GJNP-së për Putinin, i lëshuar të premten, akuzon presidentin rus për dëbimin e gabuar të mijëra fëmijëve ukrainas, pasi është një krim lufte.
