Charles, betohet si Mbret i ri i Mbretërisë së Bashkuar

Mbreti Karl dhe Mbretëresha Kamila kanë përshëndetur nga ballkoni turmat që ishin mbledhur përpara pallatit Buckingam. Princi dhe Princesha e Uellsit dhe fëmijët e tyre janë gjithashtu në ballkon, së bashku me Dukën e Edinburgut dhe familjen e tij.

Ata do të shohin gjithashtu një moment të shkurtër nga momenti i “flypast”, i cili është ndryshuar për shkak të motit.

Siç theksuam më parë, shfaqja me helikopterë mbi Pallatin Buckingham për të festuar kurorëzimin e Mbretit Charles III ka ndryshuar afatin kohor për shkak të motit të keq në Londër.

Ai tani do të përbëhet vetëm nga helikopterë dhe shigjeta të kuqe për shkak të kushteve të këqija të motit.

Ndërkohë të gjitha vendet përreth Pallatit Buckingham janë të mbushura me karroca dhe flamuj që valëviten. Miliona njerëz po ndjekin procesionin pavarësisht motit të keq.

Joe Biden ka uruar Charlesin për kurorëzimin si Mbret i Mbretërisë së Bashkuar.

Presidenti amerikan nuk ka marrë pjesë në ceremoninë e kurorëzimit të Charlesit, por ka dërguar bashkëshorten, Zonjën Jill Biden.

Megjithatë, ai përmes rrjeteve sociale ka pohuar se miqësia midis SHBA-së dhe Mbretërisë së Bashkuar vazhdon të jetë e qëndrueshme dhe është burim force për të dy popujt.

Congratulations to King Charles III and Queen Camilla on their Coronation. The enduring friendship between the U.S. and the U.K. is a source of strength for both our peoples.

I am proud the First Lady is representing the United States for this historic occasion.

— President Biden (@POTUS) May 6, 2023

“Urime Mbretit Charles III dhe Mbretëreshës Camilla për kurorëzimin e tyre. Miqësia e qëndrueshme midis SHBA-së dhe Britanisë së Madhe është një burim force për të dy popujt tanë. Jam krenar që Zonja e Parë po përfaqëson Shtetet e Bashkuara për këtë rast historik”, ka shkruar Bideni në Twitter.

Kujtojmë se lideri amerikan ka pasur një telefonatë me Charlesin, ku ka konfirmuar se brenda këtij viti do ta takojë gjatë një vizite zyrtare në Londër.

Ndryshe, asnjë president amerikan nuk ka marrë pjesë në ndonjë kurorëzim mbretëror britanikë.

Një fluturim mbi Pallatin Buckingham për të festuar kurorëzimin e Mbretit Charles III ka ndryshuar afatin kohor për shkak të motit të keq në Londër.

Ai tani do të përbëhet vetëm nga helikopterë dhe shigjeta të kuqe për shkak të kushteve të këqija të motit.

Lajmin e ka bërë të ditur Ministria e Mbrojtjes, duke njoftuar se fluturimi se do të zgjasë për dy minuta e tridhjetë sekonda dhe pritet të ndodhë rreth orës 14:30.

Ndërkohë, anëtarët e familjes mbretërore do të shikojnë nga ballkoni në Pallatin Buckingham.

Pamjet nga kurorëzimi i Mbretit Charles dhe Mbretëreshës Camilla, sot më 6 maj në Westminster Abbey, po bëjnë xhiron e botës. Nipi i monarkut të ri Princ George është aty dhe ka një rol të veçantë.

Në ceremoninë e ndjekur nga i gjithë planeti, nipërit e Princit George dhe Mbretëreshës Camilla kanë pozicionin e nderit, që do të thotë se marrin pjesë në transferimin e rrobave mbretërore në ditën e kurorëzimit në Westminster Abbey.

Roli i nderit u jepet pasardhësve adoleshentë të fisnikërisë që marrin pjesë në ngjarje të rëndësishme si kurorëzimi ose hapja e Parlamentit. Pages Of Honor veshin pallto të kuqe me detaje ari dhe jelek saten, doreza të bardha, këpucë të zeza.

Gjatë një paraqitjeje të djeshme, Princesha Kate zbuloi se tre fëmijët e saj, Princi George, Princesha Charlotte dhe Princi Louis, ishin “të stresuar” përpara ditës së madhe. Gjë që është plotësisht e kuptueshme, duke pasur parasysh moshën e tyre të re dhe ngjarjen e madhe që po shpaloset tani.

Kamila u kurorëzua si Mbretëresha e re e Britanisë në Westminster Abbey, duke marrë një rol të ri dhe më të spikatur përkrah mbretit Karl III.

Ajo ishte gjithmonë e pranishme në krah të Karlit. Ajo është dashuria e jetës së tij, si dhe një këshilltare dhe e besuar prej dekadash.

Që kur ajo dhe Karl u martuan në vitin 2005, Kamila ka kontribuar shumë si një anëtare e familjes mbretërore, duke mbështetur burrin e saj dhe duke përkrahur bamirësi që ndihmojnë gratë dhe fëmijët. Por disa në Britani e kanë të vështirë të harrojnë, ose të falin, lidhjen e gjatë jashtëmartesore të çiftit dhe dhimbjen që i shkaktoi gruas së parë të Karlit, Dianës, Princeshës së Uellsit.

Megjithatë, me prekjen e saj të përbashkët dhe aftësinë e saj, Kamila u bë shpejt një pasuri për familjen mbretërore dhe qeverinë britanike pasi u martua me Karlin në 2005.

Ajo përcaktoi rolin e saj mbretëror, duke përkrahur kauza për zemrën e saj, të tilla si arsimimi i fëmijëve, mbështetja e viktimave të dhunës në familje dhe rritja e ndërgjegjësimit rreth osteoporozës, një gjendje që preku nënën dhe gjyshen e saj.

Përveç këtyre përgjegjësie, Kamila është bërë gjithashtu një “gjyshe profesioniste”, siç i tha një nga ndihmësit e saj CNN në 2013.

Mbreti i ri sapo kurorëzuar po largohet nga Westminster Abbey ndërsa të ftuarit këndojnë “God save the King”. Ai është pritur me përshëndetje dhe brohoritje ndërsa Mbretëresha është pas tij.

Mbreti ndaloi dhe bisedoi me udhëheqësit fetarë përpara se të largohej nga abacia nën tingujt e borive dhe kambanave të kishës. Procesioni i kthimit në Buckingham Palace ka filluar, duke ndjekur të njëjtën rrugë.

Sidoqoftë, do të jetë shumë më i madh sesa procesioni në Westminster Abbey. Ai përfshin personelin e forcave të armatosura nga i gjithë Komonuelthi dhe territoret britanike, si dhe të gjitha forcat e armatosura të Mbretërisë së Bashkuar.

Mbreti dhe Mbretëresha po udhëtojnë me karrocën prej ari, i cili u pa për herë të fundit gjatë Jubileut Platinum vitin e kaluar.

Është përdorur në çdo kurorëzim që nga ai i William IV në 1831.

Disa ushtarëve që prisnin të merrnin pjesë në procesionin e kurorëzimit u ka rënë të fikët. Ata kishin nevojë për ndihmë dhe duket se nuk e kanë përballuar dot këtë moment.

Më shumë se 4,000 ushtarë ceremonial po marrin pjesë në procesion, duke përcjellë Mbretin dhe Mbretëreshën në Pallatin Buckingham me karrocën mbretërore.

Forcat e armatosura u rreshtuan në rend marshimi: Bandat, Commonëealth, RAF, Ushtria, Marina Mbretërore, Trupat shtëpiake dhe Garda Trupi ceremoniale në pjesën e përparme përballë përpara.

Ndërkohë, flamuri u valëvit më pas për të sinjalizuar rreshterin e garnizonit që të fillonte sekuencën e fillimit.

Në 15 sekonda përpara, flamujt dhe shkopinjtë u hodhën dhe Rreshteri Major i Garnizonit dha urdhrin: “Proçesioni i Kurorëzimit, pranë qendrës, marshim i shpejtë”.

Tashmë Charles ka bërë betimin si Mbret i ri i Mbretërisë së Bashkuar.

Ai ka lexuar një lutje me zë të lartë, duke u bërë monarku i parë që e bën këtë në një kurorëzim, raporton cnn.

“Perëndia i dhembshurisë dhe i mëshirës, Biri i të cilit nuk u dërgua për t’i shërbyer, por për të shërbyer, jep hir që të gjej në shërbimin tënd lirinë e përsosur dhe në atë liri njohjen e së vërtetës sate. Më dhuro që të jem një bekim për të gjithë fëmijët e tu, të çdo besimi, që së bashku të mund të zbulojmë rrugët e butësisë dhe të udhëhiqemi në shtigjet e paqes, nëpërmjet Jezu Krishtit, Zotit tonë. Amen”, tha ai.

Betimi ishte i ndryshëm nga ai i bërë nga Mbretëresha Elizabeth II-të në vitin 1953.

Për herë të parë u shtua parathënia, e cila e detyronte posaçërisht Mbretin “që krijojë një mjedis ku njerëzit e të gjitha besimeve dhe racave mund të jetojnë të lirë”.

Ndryshe, Charles është dashur të pres shtatë dekada që të bëhet Mbret.

Procesioni i Mbretit ka arritur në katedralen Westminster Abbey, ku pritet që të kurorëzohet Charles.

Shërbimi ka nisur dhe pritet të zgjasë dy orë, raporton theguardian.

Kjo është dukshëm më e shkurtër se sa kanë qenë shumë kurorëzime në të kaluarën.

Gjithashtu edhe Princi Harry, Princi Andrew dhe princeshat Eugenie dhe Beatrice kanë arritur në Abbey.

Gruaja e Harryt, Dukesha e Sussex-it, mungon sot në kurorëzim pasi po qëndron me fëmijët e vegjël të çiftit.

Anne dhe Andrew hynë së bashku me fëmijët e tyre, së bashku me Princin Harry.

Duka i Sussex, Harry, i cili ka shkuar pa gruan e tij Meghan, dukej i lumtur dhe i relaksuar teksa hynte me kushërirat e tij princeshat Beatrice dhe Eugenie, vajzat e Princit Andrew.

Princi Harry ishte i veshur me një kostum ndërsa bisedonte me Princeshën Beatrice.

Mësohet se ai shkoi në Mbretërinë e Bashkuar me një fluturim komercial dje, shkruan BBC.

Ai mund të qëndrojë vetëm disa orë pasi të kryhet shërbimi dhe më pas pritet të fluturojë për në SHBA për ditëlindjen e djalit të tij.