Një raport i ri ka zbuluar se viti 2022 për Italinë ishte viti më i nxehtë dhe më i thati.
Agjencia italiane e lajmeve, ANSA, raporton se Raporti i Institutit Italian për Mbrojtjen e Mjedisit dhe Kërkime (ISPRA) dhe Sistemi Kombëtar për Mbrojtjen e Mjedisit tha se temperatura mesatare ishte mbi një gradë celsius mbi nivelin e vitit 2021, dhe 0,58 gradë celsius më e lartë se rekordi i mëparshëm i vendosur në vitin 2022.
Ai shtoi se temperatura ishte 1,23 gradë celsius më e lartë se mesatarja për vitet 1991-2020.
Në raportin e titulluar “Klima në Itali në vitin 2022”, thuhet se temperatura ishte mbi mesataren çdo muaj vitin e kaluar, përveç në mars dhe prill.
Aty thuhet se viti 2022 ishte viti me më pak shi që nga viti 1961, viti më i fundit që ka të dhëna të plota për të.
Në raport thuhet se reshjet ishin 22% më pak se mesatarja për periudhën 1991-2020.
Reshjet ishin 39% nën normale midis janarit dhe korrikut.
“Anomalitë ishin më të theksuara në Veri (-33%), të ndjekura nga Qendra (-15%), dhe Jugu dhe Ishujt (-13%)”, thuhet në raportin e ISPRA.
Thatësira e gjatë që Italia pësoi vitin e kaluar dhe për pjesën më të madhe të gjysmës së parë të vitit 2023 shkaktoi probleme masive për bujqësinë, veçanërisht në veri të vendit.
Shkencëtarët thonë se kriza klimatike e shkaktuar nga emetimet e gazrave serrë të njeriut po i bën më të shpeshta dhe më intensive ngjarjet ekstreme të motit, si valët e të nxehtit, thatësirat, stuhitë, dhe përmbytjet.
