Në kufirin kroat, një sasi e lartë e pesticidit Chlorpyrifos është gjetur në një ngarkesë me pjeshkë të ardhur nga Serbia.
Siç njofton Komisioni Evropian, Kroacia ia ka kthyer mbrapshtë Serbisë këtë sasi të pjeshkëve.
Aty shkruhet se ngarkesa me pjeshkë nga Serbia është potencialisht e rrezikshme.
Kjo nuk është hera e parë që nga fillimi i vitit që mallrat e këtij lloji nga Serbia nuk mund të kalojnë kufirin.
Kështu, më 7 korrik pjeshkët nga Serbia janë kthyer nga kufiri me Slloveninë. Më pas u konstatua se pjeshkët përmbajnë pesticidin e përmendur Chlorpyrifos./telegrafi
Pas kontaktit me Chlorpyrifos, konsumatorët mund të përjetojnë efekte të ndryshme në sistemin nervor, si dhimbje koke, shikim të paqartë, rritje të pështymës, kriza dhe në raste ekstreme, në varësi të sasisë dhe kohëzgjatjes së ekspozimit.
Po ashtu, kujtojmë se në fillim të muajit në kufirin kroat u gjet një nivel i lartë i akrilamidit kancerogjen në patate të skuqura.
Bëhet fjalë për prodhuesin Chips Way nga Çaçaku – Chips Bits & Byte Paprika 150 gramë.
Akrilamide gjenden zakonisht në bukë, patate të skuqura, drithëra, biskota dhe kafe.
Agjencia Kroate e Ushqimit vlerëson se prania e akrilamidit në ushqim mund të rrisë rrezikun e zhvillimit të kancerit në të gjitha grupmoshat e njerëzve.
