“Pika e dobët” e Vladimir Putin, gjiganti rus i gazit po shkon drejt krizës, ja pse Gazprom mund t’i shkaktojë probleme të mëdha Kremlinit
Gazprom në krizë? Do të ishte skenari perfekt pë Perëndimin, por duke parë të dhënat ekonomike për gjysmën e parë të gjigantit energjetik rus, shumë afër Kremlinit dhe udhëheqja e të cilit është organike për sistemin e pushtetit të Vladimir Putin, nuk mund të flitet për një krizë të plotë, sepse biznesi është ende fitimprurës. Por krahasimisht me vitin 2022, kur Gazprom ishte maja e “heshtës” e luftës ekonomike të Moskës, e zhvilluar edhe me armë psikologjike dhe shantazhe për furnizimet me gaz, tregon se grupi i Aleksei Miller po has gjithnjë e më shumë vështirësi. Të dhënat flasin vetë.
Në periudhën e tremujorit të dytë, fitimet e tij operative ranë me 43% dhe në periudhën janar-qershor me tetë herë: tani ato janë të barabarta me 296 miliardë rubla, ose 3 miliardë dollarë. Por më shumë se 2 trilion rubla të gjeneruara si fitim në janar-qershor 2022, kulmi i luftës energjetike që pasoi pushtimin e Ukrainës, vlente shumë më tepër një vit më parë, deri në 41.75 miliardë dollarë.
Në një vit, kombinimi i luhatshmërisë së rublës dhe rënies së çmimit të gazit, me fjalë të tjera konsumoi 93% të kapacitetit eksportues të Gazprom në terma real. Deri më sot, vende si Turqia, që do të blejë deri në 32 miliardë metra kub dhe Kina, që do të blejë 25-30 miliardë metra kub gaz rus, janë blerësit më të mëdhenj të arit blu të Moskës.Por të dyja kanë një fuqi blerëse, të krahasueshme me atë që kishte Italia në kulmin e marrëdhënieve energjetike me Moskën.
Kriza e Gazprom rrezikon të shtojë një problem strukturorpër Rusinë, i cili për njëzet vjet ka financuar jo vetëm rritjen ekonomike, por edhe strategjitë gjeopolitike mbi sigurinë e të ardhurave nga energjia.
