Gjermania e ka shpallur të jashtëligjshëm grupin neo-nazist Hammerskins, i njohur për rolin e tij në organizimin e koncerteve të ekstremit të djathtë dhe shitjen e muzikës raciste.
Kjo masë jep “një sinjal të qartë kundër racizmit dhe antisemitizmit”, tha ministri i brendshëm gjerman, shkruan Euronews.
Autoritetet bastisën rezidencat e 28 anëtarëve kryesorë të grupit në të gjithë vendin.
Hammerskins, i themeluar në ShBA në fund të viteve 1980, mendohet të ketë rreth 130 anëtarë në Gjermani.
Autoritetet gjermane e përshkruan këtë masë si “një goditje të fortë kundër ekstremizmit të organizuar të krahut të djathtë” dhe thanë se po i japin fund “veprimeve çnjerëzore të një shoqate neo-naziste aktive ndërkombëtare”.
