Ministri i Jashtëm rus Sergei Lavrov do të takohet nesër me presidentin e Abkhazisë, raporton agjencia ruse e lajmeve TASS, duke cituar Kremlinin.
Në një deklaratë, Kremlini tha se Lavrov do të takohet me Presidentin Aslan Bzhania dhe një diplomat të lartë të Abkhazisë, shkruan Sky News.
Sipas ministrisë së Jashtme ruse, agjenda e takimeve përfshin një gamë të gjerë “çështjesh të ngutshme dypalëshe, rajonale dhe ndërkombëtare”.
E vendosur në cepin veriperëndimor të Gjeorgjisë, Abkhazia fitoi një luftë shkëputjeje me Gjeorgjinë në 1992-93 dhe shpalli zyrtarisht pavarësinë në 1999.
Por shumica e vendeve ende e konsiderojnë atë si pjesë të Gjeorgjisë.
Aslan Bzhania u zgjodh lider i Abkhazisë në zgjedhjet presidenciale të rajonit të marsit 2020.
