Të premten, ligjvënësit gjermanë miratuan tarifat për kamionët më të vegjël dhe futjen e një takse të re për kamionët për emetimet e dyoksidit të karbonit.
Kamionët do të paguajnë tarifën e dyoksidit të karbonit nga 1 dhjetori dhe nga 1 korriku i vitit të ardhshëm, kufiri i tarifës për kamionët do të ulet nga 7,5 tonë që është aktualisht në 3,5 tonë.
Tarifa e re dhe shtrirja e zgjeruar e tarifave për kamionët pritet të sjellin 30.5 miliardë euro të ardhura shtesë në buxhetin e shtetit midis 2024 dhe 2027.
Zejtarët dhe punëtorët do të përjashtohen nga mbledhja e tarifave.
Gjysma e të ardhurave nga taksat do të vazhdojë të ndahet për përmirësimin e rrugëve kryesore në Gjermani dhe gjysma tjetër për përmirësimin e sistemit hekurudhor.
Gjermania prezantoi tarifat e kamionëve në vitin 2005, duke filluar me autostradat. Ndërkohë, mbledhja e tarifave është shtrirë në të gjitha rrugët kryesore.
Qeveria gjermane pret që të ardhurat nga tarifat për kamionët këtë vit të jenë pak më pak se tetë miliardë euro.
